За заслугі перад Касцёлам і Папам

 

Выкладчык дагматычнай тэалогіі і касцёльнага спеву ў Вышэйшай духоўнай семінарыі ў Гродне, ксёндз Тадэвуш Вышынскі, атрымаў папскую ўзнагароду «Pro Ecclesia et Pontifice» («За заслугі перад Касцёлам і Папам»).

Уручэнне ўзнагароды адбылося 1 чэрвеня падчас святой Імшы, якую біскуп Гродзенскі Аляксандр Кашкевіч цэлебраваў у капліцы гродзенскай семінарыі ў знак падзякі за навучальны год.

«Pro Ecclesia et Pontifice» — найвышэйшая адзнака, якой Святы Айцец можа ўзнагароджваць кансэкраваных асобаў (яе могуць атрымліваць і свецкія вернікі).

Узнагарода была зацверджаная ў 1888 г. папам Львом ХІІІ. Яна даецца па просьбе дыяцэзіяльных біскупаў духоўным або свецкім асобам за вялікія заслугі перад Касцёлам.

Паводле catholic.by


Сардэчна віншуем шаноўнага ксяндза Тадэвуша Вышынскага з высокаю папскаю ўзнагародаю і жадаем, каб гэтая заслужаная адзнака Вашай ахвярнай працы, паважаны ксёндз Тадэвуш, дала Вам яшчэ больш сілы і натхнення для далейшага плённага служэння Хрысту і Яго святому Касцёлу.

Рэдакцыя часопіса «Ave Maria»

 
© 2018 - Рэдакцыя часопіса «Ave Maria» Мінска-Магілёўскай архідыяцэзіі Рыма-каталіцкага Касцёла