«Вось Дзева зачне і народзіць Сына»

Чацвёртая нядзеля Адвэнту, год А (18.12.2016)

Нараджэнне Езуса Хрыста было такім.

Пасля заручын Маці Ягонай Марыі з Юзафам, перш чым яны пачалі жыць разам, Яна зачала ад Духа Святога. Юзаф жа, муж Яе, будучы справядлівым і не жадаючы зняславіць Яе, хацеў патаемна адпусціць Яе. Калі ён надумаў гэта, вось анёл Пана з’явіўся яму ў сне і сказаў: «Юзэфе, сыне Давіда, не бойся прыняць Марыю, жонку тваю, бо зачатае ў Ёй ёсць ад Духа Святога. Яна ж народзіць Сына, а ты дасі Яму імя Езус, бо Ён збавіць народ свой ад грахоў ягоных».

А ўсё гэта сталася, каб збылося сказанае Панам праз прарока, які кажа: «Вось Дзева зачне і народзіць Сына, і дадуць Яму імя Эммануэль, што азначае “з намі Бог”».

Абудзіўшыся ад сну, Юзаф зрабіў, як загадаў яму анёл Пана, і прыняў жонку сваю.

(Мц 1, 18–24)

«Вось Дзева зачне і народзіць Сына»

Ужо блізка той час, калі мы будзем цешыцца Нараджэннем Пана, невыказнаю таямніцаю Уцелаўлення Бога, які не застаўся недзе далёка ад свайго стварэння, а захацеў быць «Богам з намі». Разважаючы пра здарэнні, якія папярэднічалі нараджэнню Збаўцы ў Бэтлееме, можна заўважыць, як дасканала, як мякка дзейнічае Бог у жыцці тых, хто Яму давярае. Мы не знойдзем тут нечаканых паваротаў сюжэту, нейкіх неспадзяванак, больш характэрных для розных шоў, што капіруюць рэальнае жыццё. Бог без лішніх намаганняў можа быць арыгінальным у простых здарэннях. Марыя кажа Богу «так» і проста чакае дзіцяці. Юзаф, добра ведаючы традыцыі свайго народа, хоча ўратаваць нарачоную па-свойму, але атрымлівае з вуснаў анёла падказку, як зрабіць гэта правільна. Святая Сям’я гатовая да прыйсця Бога.

Ужо вядомае Яго імя, але яшчэ невядомыя месца і час Яго з’яўлення. Невядомыя тым, хто не чакае, бо месца было прадказанае прарокам (Міх 5, 1), а «поўня часу» (пар. Гал 4, 4) ужо настала, цуд Уцелаўлення адбыўся ў момант зачацця. Ці не нагадвае ўсё гэта прыгожую казку, якую цікава слухаць у перадсвяточны час? Магло б быць так, калі б гэтая гісторыя была выдуманая. Але сведкі, распавядаючы пра здарэнне, паклапаціліся і пра факты. Хутка мы пачуем у літургіі: «Выйшаў ад цэзара Аўгуста загад зрабіць перапіс па ўсёй зямлі. Гэты перапіс быў першы падчас панавання Квірынія ў Сірыі...» (Лк 2, 1–2). Гэта не казка, але ж у якіх захапляльных падзеях бяруць удзел Юзаф і Марыя! І такім жа захапляльным можа стаць жыццё кожнага чалавека, які дазволіць Богу нарадзіцца ў сваім сэрцы. Яму не патрэбны палац, Ён прызвычаены да беднасці. Трэба толькі крыху прыбраць, падрыхтаваць Яму месца...


Айцец Павел Мажэйка OP

 

 
старые. проститутки брюнетки Красноярск. худые проститутки Екатеринбург. проститутки Курчатовский. Ночные бабочки: проститутки в Оренбурге Гифки. кабинет врача. Секс по материалам сайта . Большой ресурс с бесплатным порно видео
© 2020 - Рэдакцыя часопіса «Ave Maria» Мінска-Магілёўскай архідыяцэзіі Рыма-каталіцкага Касцёла