Увесь свет чакае адказу Дзевы Марыі

Казанне ў гонар Найсвяцейшай Дзевы Марыі святога Бэрнарда


Ты пачула, Дзева, што зачнеш і народзіш Сына. Ты пачула, што гэта здзейсніцца не праз чалавека, але праз Духа Святога. Анёл чакае адказу, бо настаў час яму вярнуцца да Бога, які паслаў яго. О Пані, слова літасці чакаем і мы, няшчасныя і прыгнечаныя прысудам. 

Вось Табе прапаноўваецца цана адкуплення нашага. Калі Ты згодзішся, мы будзем адразу вызвалены. Усе мы былі створаны спрадвечным Божым Словам, і вось, паміраем. А дзякуючы Твайму кароткаму адказу нам наканавана аднавіцца і дайсці да вечнага жыцця. 

Аб гэтым Цябе моліць, о міласцівая Дзева, варты слёз Адам, выгнаны з раю, разам са сваімі няшчаснымі нашчадкамі, аб гэтым моліць Абрагам, аб гэтым моліць Давід. Гэтага выпрошваюць святыя айцы, гэта значыць Твае айцы, якія і самі знаходзяцца ў краіне смяротнага ценю. Гэтага чакае ўвесь свет, распасцёршыся каля Тваіх каленяў. 

І слушна, бо ад Тваіх вуснаў залежыць суцяшэнне няшчасных, адкупленне палонных, вызваленне асуджаных і, нарэшце, збаўленне ўсіх сыноў Адама, усяго Твайго роду. 

О Дзева, паспяшайся даць адказ. Хутчэй адкажы анёлу, а праз анёла — Пану. Адкажы словам і прымі Слова. Скажы сваё слова, а прымі Божае. Вымаві часовае слова, а атрымай Вечнае.

Чаму Ты марудзіш? Чаму бянтэжышся? Павер, згадзіся і прымі. Няхай пакора здабудзе адвагу, а сарамлівасць — давер. Хоць зусім не выпадае, каб цяпер у сваёй дзявочай прастаце Ты губляла мудрасць, аднак толькі ў адной гэтай справе не бойся, о мудрая Дзева, не бойся дзёрзкасці, бо нават калі сарамлівае маўчанне і добрае, аднак цяпер больш неабходна слова літасці. 

Адкрый, о шчасная Дзева, сэрца для веры, вусны для згоды, улонне для Стварыцеля. Вось, пажаданы ўсімі народамі стукае звонку ў дзверы. О калі праз Тваю няспешнасць Ён пройдзе міма, Ты зноў будзеш шукаць таго, каго так палюбіла Твая душа! Падыміся, бяжы і адчыні! Падыміся з верай, бяжы з адданасцю і адчыні са згодай. Марыя кажа: «Вось я, слуга Пана. Няхай мне станецца паводле твайго слова» (Лк 1, 38).


 Паводле выдання 
«Літургія гадзінаў паводле рымскага абраду»
(том 1, ст. 319–320. Мінск, 2012).

 
старые. проститутки брюнетки Красноярск. худые проститутки Екатеринбург. проститутки Курчатовский. Ночные бабочки: проститутки в Оренбурге Гифки. кабинет врача. Секс по материалам сайта . Большой ресурс с бесплатным порно видео
© 2020 - Рэдакцыя часопіса «Ave Maria» Мінска-Магілёўскай архідыяцэзіі Рыма-каталіцкага Касцёла