Вершы і песня

*  *  *

Імкнуцца да Будслава сэрцы,
І думкі лятуць наўздагон.
Бо хочацца нам, вы паверце.
Да Маці прыйсці на паклон.

Падзякаваць Богу жывому,
За ласку Яго і любоў.
А потым панесці да дому
Узмоцнену сілу наноў.

Каб жыць надалей без навалы,
Паладзіць з усімі без зла..
Каб сіла любві шчыравала,
І радасць заўсёды была.

Імкнуцца да Будслава сэрцы,
І думкі лятуць наўздагон.
Бо хочацца нам, вы паверце.
Да Маці прыйсці на паклон.



Песня пілігрыма

Мы з Божай дапамогай
Ідзем сваёй дарогай,
Дарогаю да Бога.
Дарогай да сябе.

Прыпеў:    Нясі, перадавай любоў
                  Зямлі і Небу
                  Небу і Зямлі
                  Перадавай любоў.

Цудоўная прырода,
У душах ёсць лагода,
Ды ногі ўжо гудуць,
І пяткі зноў пякуць.

Прыпеў

А песня ажыўляе,
Вяночкі ды літаніі
Над намі ўзлятаюць,
Наперад нас завуць.

Прыпеў

Бо Матачка Святая
У Будславе чакае,
Да Сына запрашае,
Заве нас да сябе.

Прыпеў


*  *  *

Чаго шукае пілігрым?
А што рассеецца як дым,
Калі сам пешкі дападзе
Да тых святынь, куды вядзе

Жаданне — новае спазнаць,
Душу любоўю наталяць,
Сяброўства добрае знайсці,
Падзяку Богу ўзнясці.

Шукае веры пілігрым.
А што за ім, у ім самім?
Адказ складаны будзе там,
Дзе сам сябе ўвядзеш у зман.

Які ты позірк будзеш мець,
Ці зможаш з любасцю глядзець,
Каб бачыць Божыя сляды
Паўсюль, дзе погляд кінеш ты?

Шукае цуду пілігрым.
А цуд жа ёсць у ім самім:
Напоўніць сэрца хай любоў,
Каб аддаваць яе ізноў.

Шукае Бога пілігрым...
А перш за ўсё ў сабе самім
Падтрымку Неба хоча мець.
І каб самому не гібець.

Чаго жадае пілігрым?
З’яднання ў сабе самім,
Каб права Божае прызнаць,
Свае правіны выпраўляць.

Аб чым спявае пілігрым?
Маленні ўсе яго аб чым? —
Свае патрэбы вырашаць,
За родных, блізкіх прамаўляць

З тых сэрцаў, дзе няма тугі,
Дзе не трымаюць берагі
Матэрыяльнага быцця –
Малітвы, у Неба што ляцяць.

                                       Ядвіга Рай

                                                                                                                                                                                   

 
© 2019 - Рэдакцыя часопіса «Ave Maria» Мінска-Магілёўскай архідыяцэзіі Рыма-каталіцкага Касцёла