Сардэчна віншуем вас са святам Вялікадня!

Жыццё перамагло смерць, і ў свеце трыумфуе святло Божага Уваскрасення!

Давайце ў гэтыя святыя дні будзем памятаць, што крыж — гэта не толькі сімвал Мукі Пана, але і сімвал збаўлення і перамогі Бога над усялякім злом. Давайце будзем памятаць, што нават пасля самага вялікага суму прыходзіць радасць.

Давайце памятаць пра сутнасць гэтага вялікага Свята і чэрпаць у ім сілы для далейшага змагання за сапраўдныя каштоўнасці, за тое, што самае важнае ў гэтым свеце.

Давайце не забываць дзякаваць уваскросламу Збаўцу за перамогу над смерцю, за адкрытую для нас браму Неба, за надзею на жыццё вечнае.

Няхай Уваскрасенне Хрыстова прынясе ў вашыя сэрцы сапраўдную радасць, любоў і надзею, і няхай у гэтым вясновым свеце і ў кожным доме запануюць мір, святло і братні спакой.

Рэд.

 
© 2019 - Рэдакцыя часопіса «Ave Maria» Мінска-Магілёўскай архідыяцэзіі Рыма-каталіцкага Касцёла