Пахвалёны Езус Хрыстус!

Піша вам Францішка Бервячонак з Глыбокага. Заўсёды чытаю ваш часопіс, бачу, як вернікі віншуюць сваіх святароў, парафіянаў, манашак, таму і сама асмелілася павіншаваць вельмі прыгожую, чулую, добразычлівую, гатовую заўсёды ўсім дапамагчы сястру Таццяну з нашага касцёла Святой Тройцы з днём нараджэння, а ён у яе 9 красавіка.

Паэт з мяне слабы, але верш напісала ад усяго сэрца.

Сястры Таццяне

Жадаю, каб Пан Бог даваў здароўе

і сваёй ласкай шчодра надзяляў,

ды каб заўсёды Ваш анёл-ахоўнік

пры небяспецы Вас пад крылы браў.

Каб Маці Божая сваёй блакітнай шатай

па-мацярынску атуляла Вас,

і каб заўсёды — ў будні і ў святы —

нястомна Вы вялі да Бога нас.