Верш на Адвэнт

Ірына Багдановіч

 

 

 

Мой грэшны шлях, зямны, недасканалы,

Якім ты цернем скроні точыш мне! 

О Божа мой, прабач мне смак пахвалаў 

І пыхі дым, што ўсцяж з мяне імкне. 

 

У мітусні брак часу на маленні, 

І дзень за днём сцякае чарадой… 

О Божа мой, прабач мне праграшэнні,

О Божа мой, злітуйся нада мной!  

 

Стаю і кленчу, бачу пацяруху 

Усіх правінаў даўніх за спіной… 

О Божа мой, мяне ўмацуй у духу 

І разлучы з спакуслівай маной. 

 

На крыж пакут усклаў Ты летуценні, 

Абмыў грахі чысцюткаю вадой… 

О Божа мой, прабач мне праграшэнні, 

О Божа мой, злітуйся нада мной!

Цэтлікі: Паэзія

Мы вельмі радыя
бачыць вас на сайце
часопіса «Ave Maria».
Гэта плён працы
неабыякавых людзей,
якія з радасцю ствараюць
гэты часопіс для вас.

Падпіска
Ахвяраванні

Сайт часопіса „Ave Maria“ Мінска-Магілёўскай архідыяцэзіі Рыма-каталіцкага Касцёла ў Беларусі

Часопіс існуе дзякуючы вашым ахвяраванням. Сёння мы просім вашай дапамогі — нават невялікая сума падтрымае нас.

Падрабязней