Аўтары \ -

Першы том «Літургіі гадзінаў» на беларускай мове
01.03.2013 | № 1-2 (214-215) 2013
Першы том «Літургіі гадзінаў», які ахоплівае перыяд Адвэнту і перыяд Нараджэння Пана, падрыхтаваны Секцыяй па перакладзе літургічных тэкстаў і афіцыйных дакументаў Касцёла Камісіі Божага Культу і Дысцыпліны Сакрамэнтаў пры ККББ. Студыйнае выданне гэтай літургічнай кнігі стала магчымым дзякуючы фінансавай падтрымцы друку Ордэну Меншых Братоў Капуцынаў у Беларусі. Непасрэдная падрыхтоўка кнігі да друку адбывалася ў супрацоўніцтве прадстаўнікоў Ордэну з Секцыяй па перакладзе. Адметна, што гэтая літургічная кніга — кніга малітвы Касцёла, выдадзена ў Год веры, які павінен паспрыяць таму, каб сучасны чалавек глыбей спазнаваў і перажываў сваю веру, выказваючы яе і праз малітву. «Прыклад і наказ Пана і апосталаў маліцца заўсёды і няспынна не павінны ўспрымацца проста як прадпісанне закону, бо гэта датычыць найглыбейшай сутнасці самога Касцёла, які ёсць супольнасцю, што павінна праяўляць свой супольны характар таксама праз малітву» (Агульныя ўводзіны да «Літургіі гадзінаў»). Першы том «Літургіі гадзінаў» можна набыць у курыі кожнай дыяцэзіі, мінскай кнігарні «Духоўная кніга» (вул. Багдановіча, 25), а таксама ў парафіях, дзе працуюць браты капуцыны. Каардынатарам распаўсюджвання «Літургіі гадзінаў» у дыяцэзіях Беларусі з’яўляецца а. Алег Шэнда OFMCap (+ 375 29 3897793; + 375 29 2123478 або e-mail: Aleh.senda@gmail.com).
«Святое Евангелле» на беларускай мове
01.03.2013 | № 1-2 (214-215) 2013
У кнізе змешчаны тэксты чатырох кананічных Евангелляў (паводле Мацвея, Марка, Лукі і Яна). Перад кожным Евангеллем падаецца кароткі ўступ, у якім распавядаецца пра гісторыю ўзнікнення Евангелля і яго адметнасці. У дадатку кнігі змешчаны каляровыя мапы Палестыны і Ерузалема ў часы Езуса Хрыста.
«Ідзі дарогай надзеі» — запрашае 3-ці нумар часопіса «Ave Maria»
01.03.2013 | 2013 сакавік-красавік
12 сакавіка часопіс выйшаў з друку. Выбар — адна з найскладанейшых праблемаў нашага жыцця, з якой мы сутыкаемся штодня ў вялікіх і дробных справах. Ён патрабуе рашучасці і адначасова ўмення сумнявацца; адказнасці і адначасова свабоды волі; веры ў свае сілы і разумення сваёй слабасці... Прайсці па няпростых шляхах свайго і чужога выбару запрашае чарговы нумар часопіса «Ave Maria».
Увага — конкурс! «Будслаў — прызнанне ў любові»
01.03.2013 | № 1-2 (214-215) 2013
Да 400-годдзя з’яўлення цудатворнага абраза Маці Божай у Будславе Рэдакцыя часопіса «Ave Maria» абвяшчае конкурс на лепшы твор (верш, песню, эсэ, кароткае апавяданне), прысвечаны 400-годдзю з’яўлення цудатворнага абраза Маці Божай у Будславе. Творы просім дасылаць у рэдакцыю да 1 чэрвеня 2013 года. Вынікі конкурсу будуць абвешчаныя на ўрачыстасці ў Будславе.
Памёр Прымас Польшчы на пенсіі кардынал Юзаф Глемп
25.02.2013 | № 1-2 (214-215) 2013
23 студзеня 2013 г. ў шпіталі ў Варшаве адышоў у вечнасць кардынал Юзаф Глемп, Прымас Польшчы на пенсіі. 83-гадовы іерарх не дажыў некалькі дзён да 30-годдзя надання яму кардынальскай годнасці.
Віншуем!
23.02.2013 | № 12 (213) 2012
Складана віншаваць паэта з юбілеем, бо паэтычнае вымярэнне часу адрозніваецца ад каляндарнага. Старонка кнігі, напісаны верш, удалае слова можа стаць роўным, калі не большым святам за дату фактычнага дня нараджэння паэта. Аднак такія даты — добры напамінак для ўсіх нас, чытачоў, каб падзякаваць Богу за тое, што Ён пасылае ў свет паэтаў — людзей, адораных асабліваю іскрынкаю Яго творчага імпульсу — такіх, як Данута Бічэль. Шчыра віншуем Дануту Янаўну з юбілеем, зычым ёй няспыннага паэтычнага запалу і давяраем яе матчынай апецы Багародзіцы, якой наша слынная паэтка прысвяціла столькі прыгожых вершаваных радкоў.
Апостальскі сімвал веры. Eзус Хрыстус быў зачаты ад Духа Святога...
06.02.2013 | Катэхізіс Каталіцкага Касцёла
85. Чаму Сын Божы стаўся чалавекам? Сын Божы ўцелавіўся ва ўлонні Дзевы Марыі ад Духа Святога дзеля нас, людзей, і дзеля нашага збаўлення, гэта значыць, каб паяднаць нас, грэшнікаў, з Богам; каб пака-заць нам Яго бясконцую любоў; каб стаць для нас прыкладам святасці; каб зрабіць нас «саўдзельнікамі боскай натуры» (2 П 1, 4).

Мы вельмі радыя
бачыць вас на сайце
часопіса «Ave Maria».
Гэта плён працы
неабыякавых людзей,
якія з радасцю ствараюць
гэты часопіс для вас.

Падпіска
Ахвяраванні

Сайт часопіса „Ave Maria“ Мінска-Магілёўскай архідыяцэзіі Рыма-каталіцкага Касцёла ў Беларусі

Часопіс існуе дзякуючы вашым ахвяраванням. Сёння мы просім вашай дапамогі — нават невялікая сума падтрымае нас.

Падрабязней