“Сённяшняя кніга стварае будучыню…”
30.03.2017|Падзеі

 30 сакавіка ў Варшаве ў Арках Кубіцкага пры Каралеўскім замку адбылося адкрыццё XXIII выставы-кірмашу каталіцкіх выдаўцоў, у якой прымае ўдзел таксама выдавецтва Мінска-Магілёўскай архідыяцэзіі “Про Хрысто”.

Галоўныя тэмы сёлетняй выставы -- “Ідзіце і абвяшчайце”, 100-годдзе аб’яўленняў Маці Божай у Фаціме, 300-годдзе каранацыі абраза Маці Божай Чэнстахоўскай... У выставе прымаюць удзел каля 150-ці выдавецтваў.

 

У адкрыцці гэтага вялікага выдавецкага фэсту прынялі ўдзел былы прэфект Кангрэгацыі каталіцкай адукацыі Апостальскай Сталіцы кардынал Зянон Грахалеўскі, мітрапаліт Варшаўскі кардынал Казімір Ныч, генеральны сакратар епіскапату Польшчы біскуп Артур Мізіньскі, а таксама прадстаўнікі польскага Сенату і Міністэрства культуры.

Кардынал З.Грахаўлескі, які 16 гадоў узначальваў Кангрэгацыю каталіцкай адукацыі, у сваім выступленні падкрэсліў вялікае і неацэннае значэнне каталіцкай друкаванай кнігі ў фармаванні і выхаванні маладога пакалення. Ён звярнуў увагу на важнасць і адпаведнасць выбару чытачом літаратуры і сказаў, што “толькі добрая кніга становіцца сябрам чалавека. І таму каталіцкія выдавецтвы павінны друкаваць такія кнігі, якія могуць стаць нашымі сябрамі… Сённяшняя кніга стварае будучыню”, -- падкрэсліў кардынал.

На адкрыцці выставы былі названыя лаўрэаты ўзнагароды Таварыства каталіцкіх выдаўцоў “Фенікс 2017”.
Выстава-кірмаш працягне сваю працу да 2 красавіка. 

{gallery}2017-04{/gallery}


К.Л.
Фота М.Новікава і А. Глекава 

Мы вельмі радыя
бачыць вас на сайце
часопіса «Ave Maria».
Гэта плён працы
неабыякавых людзей,
якія з радасцю ствараюць
гэты часопіс для вас.

Падпіска
Ахвяраванні

Сайт часопіса „Ave Maria“ Мінска-Магілёўскай архідыяцэзіі Рыма-каталіцкага Касцёла ў Беларусі

Часопіс існуе дзякуючы вашым ахвяраванням. Сёння мы просім вашай дапамогі — нават невялікая сума падтрымае нас.

Падрабязней