У выдавецтве «Про Хрысто» пабачыла свет кніга польскага тэолага, рэкалекцыяніста Анджэя Вронкі пад назваю «Магия и гадания : Об отношении христианства к оккультным практикам». Галоўная задача яе аўтара — «справакаваць» чытача, каб той пачаў задаваць сабе важныя пытанні адносна сваіх дзеянняў і свайго светапогляду.

 Чаму акультызм так прываблівае людзей? Хто стаіць за яго распаўсюджваннем? Ці сапраўды спірытычны сеанс — усяго толькі вясёлая забава? Кніга выкрывае падманлівасць гараскопаў, забабонаў, варажбы і паказвае, наколькі ўпарта гэтая хлусня прасочваецца ў нашае жыццё па нашай жа згодзе. І, на жаль, хрысціяне часта не становяцца выключэннем. З асобным пасланнем аўтар звяртаецца да бацькоў, бо дзеці ў першую чаргу знаходзяцца ў групе рызыкі.  

Кніга напоўнена яскравымі прыкладамі трагічных наступстваў акультных практыкаў у жыцці людзей. Аўтар, аднак, заўсёды вяртаецца ў сваіх развагах да сапраўднай крыніцы цудаў і суцяшэння — да Езуса Хрыста, які здольны вызваліць чалавека з кожнай дэманічнай апантанасці — выніку магічных практыкаў. Кніга не пакідае сумненняў, што Божыя дзеці павінны быць вольнымі ад усялякіх д’ябальскіх «забаваў».

Прапануем вам пазнаёміцца з назвамі раздзелаў кнігі.

• Оккультизм и его последствия
• Призывание духов — не игрушка
• Гороскопы и суеверия: ловушка для доверчивых
• Осторожно! Демонизм в товарах для детей
• Случайность, деньги или умысел, или… Неоязычество наступает
• Советы родителям
• Иисус победил!

Набыць кнігу можна:

• у кнігарні «Духоўная кніга» (г. Мінск, вул. Багдановіча, 25, пн–пт: 11.00–18.00);
• у парафіяльных кіёсках і пробашчаў парафій;
• альбо звяртайцеся ў рэдакцыю па тэл. (017) 293 17 50.