Адышоў у вечнасць былы кусташ Нацыянальнага санктуарыя ў Будславе айцец Віктар Бурлака, бэрнардын

9 лютага ў бэрнардынскім кляштары ў Шаргарадзе (Украіна) на 48-м годзе жыцця пасля цяжкай хваробы адышоў у вечнасць айцец Віктар Бурлака OFM, які з 2002 па 2018 год нёс служэнне ў Нацыянальным санктуарыі Маці Божай Будслаўскай.

Віктар Бурлака нарадзіўся 16 лютага 1974 года ва Украіне.

Уступіў у ордэн бэрнардынаў, 3 мая 2000 года прыняў прэзбітэрскае пасвячэнне.

Айцец Віктар не дажыў тыдня да свайго 48-а дня нараджэння.

У Будславе святая Імша за памерлага айца Віктара Бурлаку адбудзецца ў суботу, 12 лютага, а 12-й гадзіне. Узначаліць жалобную цэлебрацыю ў Нацыянальным санктуарыі арцыбіскуп эмерыт Тадэвуш Кандрусевіч.

Інфармацыя пра развітанне і пахаванне будзе пададзена пазней.

Вечны адпачынак дай яму, Пане…

Цэтлікі: In memoriam

Мы вельмі радыя
бачыць вас на сайце
часопіса «Ave Maria».
Гэта плён працы
неабыякавых людзей,
якія з радасцю ствараюць
гэты часопіс для вас.

Падпіска
Ахвяраванні

Сайт часопіса „Ave Maria“ Мінска-Магілёўскай архідыяцэзіі Рыма-каталіцкага Касцёла ў Беларусі

Часопіс існуе дзякуючы вашым ахвяраванням. Сёння мы просім вашай дапамогі — нават невялікая сума падтрымае нас.

Падрабязней