Прыпавесці Святога Пісання праз мастацкія вобразы сучаснага іканапісу

Праз вобразы і сімвалы прыпавесцяў Езус Хрыстус звяртаецца ў сваіх размовах да вучняў. Напрыклад, гісторыі пра «засохлую смакоўніцу», пра «зерне гарчычнае» альбо «пра закваску» ўзятыя з рэальнага жыцця і тлумачаць і хрысціянскую духоўнасць сучаснаму чалавеку, а іх мова з’яўляецца спосабам выразу ісціны, дазваляе чалавеку бачыць далей і глыбей. 

{gallery}2016-04-3{/gallery}

У галерэі «Універсітэт культуры» адбылася выстава «Прыпавесці» міжнародных майстар-класаў іканапісу ў Навіцы (Польшча), дзе 40 мастакоў розных традыцый і школ прадставілі свае ўяўленні біблейскіх тэкстаў і Святых Пісанняў у створаных імі вобразах сучаснага іканапісу.

У сваіх працах  аўтары звярнуліся да тэмы прыпавесцяў, тэкстаў Старога і Новага Запавету. З дапамогаю мастацкіх формаў і колеру яны паспрабавалі раскрыць сакральную тэматыку паводле ўласнага светапогляду. На экспазіцыі прадстаўлены беларускія, польскія, літоўскія, украінскія і грузінскія  ўдзельнікі.

Сваім уражаннем ад выстаўкі з нашымі чатачамі падзялілася Гаварун Кацярына:

«Тут сучаснае бачанне, больш чалавечых пачуццяў, выявы больш душэўныя, а не духоўныя. Мне вельмі спадабалася праца пад назвай “Аб міласэрным самарыцяніне”. У ёй адчуваецца імкненне аўтара да гледача праз яго выяву. Для мастацтва ікона — гэта не колер, не графічны прыём — гэта нейкае пачуццё, на якое ты глядзіш, і яно адклікаецца ў табе. Амаль у кожнай працы адчуваецца боль унутры чалавека». 

Сапраўды, вобразы ў многіх выявах даносяць да нас складаныя і глыбокія паняцці духоўнай рэчаіснасці. Каб зразумець іх неадназначныя сімвалы, трэба стварыць свой вобраз і прапусціць яго праз прызму свайго ўспрымання свету. 

Віктар Ведзень

{gallery}2016-04-4{/gallery}

  1. Гоча Какабадзэ (Грузія) “Аб міласэрным самарыцяніне” і “Хрыстос распавядае прыпавесці”
  2. Іванка Крыпякевіч-Дымыд (Украіна)  выява “Аб няплоднай смакойніцы” 
  3. Канстанцін Марковіч (Украіна) “Пра вясельны пір”
  4. Антон Дайнэка (Беларусь) “Пра няплодную смакоўніцу” 
  5. Наталля Лось (Беларусь) “Выгнанне з раю”
  6. Мікалай Доўнар (Беларусь) “Пра сейбіта”
  7. Кацярына Кузіў (Украіна) “Пра вінаграднік”
  8. Святаслаў Уладзіка (Украіна)  “Аб міласэрным самарыцяніне”
  9. Кацярына Дайнэка (Беларусь) “Добры Пастыр” 

 

 

 

Мы вельмі радыя
бачыць вас на сайце
часопіса «Ave Maria».
Гэта плён працы
неабыякавых людзей,
якія з радасцю ствараюць
гэты часопіс для вас.

Падпіска
Ахвяраванні

Сайт часопіса „Ave Maria“ Мінска-Магілёўскай архідыяцэзіі Рыма-каталіцкага Касцёла ў Беларусі

Часопіс існуе дзякуючы вашым ахвяраванням. Сёння мы просім вашай дапамогі — нават невялікая сума падтрымае нас.

Падрабязней