Перадкалядная сустрэча з журналістамі

Паводле сталай традыцыі, напярэдадні свята Божага Нараджэння ў курыі Віцебскай дыяцэзіі адбываецца сустрэча біскупа Алега Буткевіча з карэспандэнтамі мясцовых і агульнабеларускіх (як каталіцкіх, так і свецкіх) сродкаў масавай інфармацыі. Не стаў выключэннем і сёлетні, вельмі насычаны ў дыяцэзіі мерапрыемствамі Дзён хрысціянскай культуры перадкалядны перыяд.

На сустрэчы, што праходзіла 20 снежня, прагучалі разважанні ардынарыя пра надзённыя справы душпастырскага жыцця ў дыяцэзіі і планы на будучыню, а таксама шматлікія пытанні журналістаў, якія закраналі праблемы будаўніцтва новых святыняў і давядзення да ладу распачатых навабудаў, узнаўлення касцёла святога Антонія ў цэнтры Віцебска, захавання капліцаў на тэрыторыі рэгіёна, праблему святарскіх пакліканняў і інш. На ўсе пытанні журналісты атрымалі грунтоўныя адказы іерарха.

Напрыканцы біскуп перадаў удзельнікам сустрэчы пісьмовае віншаванне ўсіх вернікаў і жыхароў Віцебшчыны з нагоды вялікага свята Божага Нараджэння. Сустрэча скончылася дзяленнем аплатка пры сціплым стале ў кавярні катэдральнага касцёла Езуса Міласэрнага.


Францішак Дубраўскі
Фота: tut.by

Мы вельмі радыя
бачыць вас на сайце
часопіса «Ave Maria».
Гэта плён працы
неабыякавых людзей,
якія з радасцю ствараюць
гэты часопіс для вас.

Падпіска
Ахвяраванні

Сайт часопіса „Ave Maria“ Мінска-Магілёўскай архідыяцэзіі Рыма-каталіцкага Касцёла ў Беларусі

Часопіс існуе дзякуючы вашым ахвяраванням. Сёння мы просім вашай дапамогі — нават невялікая сума падтрымае нас.

Падрабязней