Бульба ў лупінах з ёгуртавым соўсам

Рэцэпты на Вялікі пост

Яшчэ адзін рэцэпт, які вельмі проста ажыццявіць. Вам спатрэбіцца бульба. Калі ў вас ёсць добры гатунак (альбо бульба з вашага агарода), то яе можна адварыць у лупінах. Уявіце сабе: вы абіраеце яшчэ гарачую бульбінку, трошкі пасыпаеце соллю і заліваеце соусам... М-м-м-м, не  жыццё, а казка.

Бульбу ў лупінах мы ўсе варыць умеем, а вось рэцэпт для ёгуртавага соўса.

Вам спатрэбіцца:

  • кубак натуральнага ёгурту (не салодкага);
  • некалькі сталовых лыжак смятаны 18%;
  • соль, перац, чырвоная папрыка (на смак);
  • 2 сталовыя лыжкі свежага (альбо замарожанага) кропу;
  • 2 сталовыя лыжкі свежай (альбо замарожанай) пятрушкі;
  • 2 зубкі часнаку;
  • жменька зялёнай цыбулі;

Змяшайце ёгурт са смятанай, запраўце соллю, перцам і папрыкай. Зеляніну здрабніце, раздушыце часнок і дадайце ў соўс. Старанна перамяшайце і ... гатова! Падаваць з гарачай бульбай.

А калі вам не хапае часу зрабіць соўс, то можна з’есці бульбу проста з кефірам альбо з селядцом. Таксама смачна!

Мы вельмі радыя
бачыць вас на сайце
часопіса «Ave Maria».
Гэта плён працы
неабыякавых людзей,
якія з радасцю ствараюць
гэты часопіс для вас.

Падпіска
Ахвяраванні

Сайт часопіса „Ave Maria“ Мінска-Магілёўскай архідыяцэзіі Рыма-каталіцкага Касцёла ў Беларусі

Часопіс існуе дзякуючы вашым ахвяраванням. Сёння мы просім вашай дапамогі — нават невялікая сума падтрымае нас.

Падрабязней