Пабачыў свет новы нумар часопіса для дзяцей «Маленькі рыцар Беззаганнай». Асноўная ягоная тэма – Божае Нараджэнне, як мы яго святкуем, што для нас галоўнае ў ім. Часопіс прапануе сваім чытачам задумацца таксама над тым, ці падобныя сем’і, у якіх яны жывуць, да той, у якой жыў Дзіцятка Езус.

У гэтым нумары часопіс знаёміць з юнымі віцябчанамі, якія цікава, творча праводзяць свае «Канікулы з Богам». Пра гэта ж сведчыць і «Галерэйка», якая прадстаўляе прыгожыя малюнкі дзяцей з Віцебска. А працяг конкурса «Мая малітва» знаёміць з новымі творамі чытачоў. Творы ж дарослых – Ірыны Жарнасек і Уладзіміра Сіўчыка – таксама звернутыя да дзяцей.

Словам, чытайце, дарослыя і дзеці, часопіс «Маленькі рыцар Беззаганнай»!