У сённяшні неспакойны час молімся разам да Маці Божай, Каралевы супакою, і верым, што Яна прывядзе нас да новага досведу Божай любові, улітай у нашы сэрцы праз Духа Святога. Верым, што праз малітву можна спыніць войны, таксама войны сумненняў і нявер’яў.
Кірые, элейсон,
Хрыстэ, элейсон, Кірые, элейсон.
Хрыстэ, пачуй нас,
Хрыстэ, выслухай нас.
Ойча з неба, Божа, — змілуйся над намі.
Сыне, Адкупіцель свету, Божа,
— змілуйся над намі.
Духу Святы, Божа,
— змілуйся над намі.
Святая Тройца, адзіны Божа,
— змілуйся над намі.
Святая Марыя, Багародзіца і Панна,
— маліся за нас.
Марыя, першы Табэрнакулюм Найсвяцейшага Цела Езуса Хрыста,
— маліся за нас.
Марыя, якая слухала і захоўвала ў сэрцы словы Бога,
— маліся за нас.
Марыя, Маці Божай Міласэрнасці,
— маліся за нас.
Маці дзяцей, якім не дадзена было шанцу нарадзіцца,
— маліся за нас.
Маці тых, каго пераследуюць за веру,
— маліся за нас.
Маці падзеленых народаў,
— маліся за нас.
Маці народаў, ахопленых вайною,
— маліся за нас.
Маці ўсіх, хто баіцца за сваё жыццё,
— маліся за нас.
Маці бежанцаў, якія не маюць даху над галавою,
— маліся за нас.
Маці ўсіх, хто не мае вады і хлеба,
— маліся за нас.
Маці ўсіх, хто пазбаўлены працы,
— маліся за нас.
Маці ўсіх, хто апанаваны хцівасцю,
— маліся за нас.
Маці ўсіх, хто згубіў сябе ў сетцы інтэрнэту,
— маліся за нас.
Маці церпячых і хворых,
— маліся за нас.
Маці самотных і пакінутых,
— маліся за нас.
Маці пагарджаных і дыскрымінаваных,
— маліся за нас.
Маці заблукалых і расчараваных,
— маліся за нас.
Маці ўзбунтаваных і азлобленых,
— маліся за нас.
Маці ўсіх, каго выкарыстоўваюць і запалохваюць,
— маліся за нас.
Маці ўсіх, хто страціў усялякую надзею,
— маліся за нас.
Маці ўсіх, хто плача,
— маліся за нас.
Каралева супакою, акружаная каронаю з дванаццаці зорак,
— маліся за нас.
Каралева супакою, апранутая ў зорны плашч зіхатлівы,
— маліся за нас.
Каралева супакою, якая выпрошваеш для нас ласкі ў Бога,
— маліся за нас.
Каралева супакою, якая прыносіш надзею,
— маліся за нас.
Каралева супакою, якая вучыш трывалай малітве,
— маліся за нас.
Каралева супакою, якая дапамагаеш прабачаць,
— маліся за нас.
Каралева супакою, якая лечыш незагойныя раны,
— маліся за нас.
Каралева супакою, якая яднаеш сем’і,
— маліся за нас.
Каралева супакою, якая суцішваеш спрэчкі,
— маліся за нас.
Каралева супакою, якая развязваеш вузлы,
— маліся за нас.
Каралева супакою, якая падказваеш добрыя словы супакаення,
— маліся за нас.
Каралева супакою, якая суцяшаеш тых, хто ў роспачы,
— маліся за нас.
Каралева супакою, якая спасылаеш добрыя натхненні,
— маліся за нас.
Каралева супакою, якая даеш прыклад цярплівасці і лагоднасці,
— маліся за нас.
Каралева супакою, якая заблукалым паказваеш дарогу дадому,
— маліся за нас.
Каралева супакою, якая шукаеш згубленых дзяцей,
— маліся за нас.
Каралева супакою, якая падзяляеш з намі нашыя цярпенні,
— маліся за нас.
Каралева супакою, якая суцяшаеш душы чыстцовыя,
— маліся за нас.
Каралева супакою, якая глядзіш на нас мудра і з разуменнем,
— маліся за нас.
Каралева супакою з лагодным сэрцам,
— маліся за нас.
Каралева супакою з раскрытымі далонямі,
— маліся за нас.
Каралева супакою, Маці безумоўнай любові,
— маліся за нас.
Баранку Божы, які бярэш на сябе грахі свету,
— даруй нам, Пане.
Баранку Божы, які бярэш на сябе грахі свету,
— выслухай нас, Пане.
Баранку Божы, які бярэш на сябе грахі свету,
— змілуйся над намі.
С.: Маліся за нас, Святая Багародзіца.
Н.: Каб сталіся мы годнымі абяцанняў Хрыстовых.
Молімся: Просім Цябе, Пане Божа, дазволь нам, слугам Тваім, праз заступніцтва Марыі, Беззаганнай Маці Бога і Каралевы супакою, каб мы кожны дзень былі апосталамі супакою Твайго Сына ў нашых сэрцах, сем’ях і ва ўсім свеце. Праз Хрыста, Пана нашага. Амэн.
