«Няхай благаслаўляе цябе Пан…»

Разам з айцом дамініканінам Раманам Шульцам ОР мы разважаем пра біблійнае навагодняе благаслаўленне.

Урачыстасць святой Багародзіцы Марыі, Год А (01.01.2023)

Прамовіў Пан да Майсея, кажучы:
Скажы Аарону і сынам ягоным: Так благаслаўляйце сыноў Ізраэля, кажучы ім:
Няхай благаслаўляе цябе Пан і аберагае цябе!
Няхай Пан распраменіць сваё аблічча над табою і адорыць цябе ласкай.
Няхай Пан скіруе на цябе свой погляд і адорыць цябе мірам.
І будуць заклікаць імя Маё над сынамі Ізраэля, і Я благаслаўлю іх.

(Ліч 6, 22–27)

Калі надышла паўната часу, паслаў Бог Сына свайго, народжанага ад жанчыны, падпарадкаванага Закону, каб адкупіць тых, хто падлягаў Закону, каб мы атрымалі ўсынаўленне. А паколькі вы сыны, Бог паслаў у вашыя сэрцы Духа Сына свайго, які ўсклікае: Абба, Ойча! Таму ты ўжо не раб, а сын, а калі сын, то і спадкаемца Божы.

(Гал 4, 4–7)

Яны пайшлі, спяшаючыся, і знайшлі Марыю і Юзафа, і Немаўля, якое ляжала ў яслях. А калі ўбачылі, расказалі тое, што было абвешчана ім пра гэтае Дзіця. Усе, хто чуў, дзівіліся таму, што расказвалі ім пастухі. А Марыя захоўвала ўсе гэтыя словы, разважаючы ў сэрцы сваім.

І вярнуліся пастухі, праслаўляючы і хвалячы Бога за ўсё, што пачулі і ўбачылі, як было сказана ім.

Кaлі мiнулa вoсем дзён, кaб aбрэзaць Дзiця, дaлі Яму iмя Езус, якoе былo нaзвaнa aнёлaм перад Яго зaчaццем ва ўлонні.

(Лк 2, 16–21)

«Няхай благаслаўляе цябе Пан…»

У першым чытанні ва ўрачыстасць Багародзіцы гучыць прыгожае благаслаўленне, якім Бог наказаў святарам благаслаўляць ізраільцянаў. Касцёл таксама перадае нам гэтыя словы малітвы, каб мы карысталіся імі.

Я памятаю часы, калі яшчэ вучыўся ва ўніверсітэце. Мне было каля 22 гадоў, і тады мяне вельмі ўзрушылі словы гэтага благаслаўлення. Святар у казанні заахвоціў нас выказваць адзін аднаму навагоднія пажаданні менавіта словамі гэтай малітвы-благаслаўлення.

Выйшаўшы з касцёла пасля святой Імшы, я падыходзіў да незнаёмых людзей, зычыў ім шчаслівага Новага года і прамаўляў словы благаслаўлення: «Няхай бласлаўляе цябе Пан і аберагае цябе! Няхай Пан распраменіць сваё аблічча над табою і адорыць цябе ласкай. Няхай Пан скіруе на цябе свай погляд і адорыць цябе мірам». Гэта была толькі частка малітвы, і людзі вельмі радаваліся ёй. Можа, варта і цяпер нам вывучыць на памяць нейкую частку благаслаўлення Аарона, напрыклад, гэтую: «Няхай бласлаўляе цябе Пан, аберагае… i адорыць мірам», — і віншаваць людзей, якіх мы выпадкова сустракаем — знаёмых, прадаўцоў, кіроўцаў і г.д.

Апроч таго, нам сустракаецца шмат людзей, да якіх мы не гарым асаблівай сімпатыяй, мы чуем і чытаем пра тых, хто чыніць зло і несправядлівасць, нават маем ворагаў. Добра было б словы гэтага навагодняга біблійнага благаслаўлення замяніць на словы малітвы за гэтых людзей, каб не падтрымліваць у сваім сэрцы нелюбоў, злосць, варожасць ці нянавісць, бо трэба благаслаўляць нават тых, хто праклінае нас — так вучыў Пан Езус і сам так рабіў.

З малітоўнымі словамі гэтага благаслаўлення
за ўсіх, хто чытае каментар да нядзельных чытанняў
на старонцы «Ave Maria»,

айцец Раман Шульц ОР

Мы вельмі радыя
бачыць вас на сайце
часопіса «Ave Maria».
Гэта плён працы
неабыякавых людзей,
якія з радасцю ствараюць
гэты часопіс для вас.

Падпіска
Ахвяраванні

Сайт часопіса „Ave Maria“ Мінска-Магілёўскай архідыяцэзіі Рыма-каталіцкага Касцёла ў Беларусі

Часопіс існуе дзякуючы вашым ахвяраванням. Сёння мы просім вашай дапамогі — нават невялікая сума падтрымае нас.

Падрабязней