2013 верасень

Молімся праз заступніцтва Маці Божай разам з новым нумарам «Ave Maria»
26.09.2013
Месяц кастрычнік традыцыйна запрашае нас да малітвы праз заступніцтва Маці Божай і асаблівага даручэння сябе Ёй — нашай нястомнай Апякунцы. Пра гэта нам нагадвае новы нумар часопіса «Ave Maria» (№ 10). Чытачоў чакае шмат іншых глыбокіх і цікавых публікацый пра жыццё Касцёла і яго святых, пра тых, хто аддана служыць на ніве Божай і можа стаць для нас сведчаннем веры.
Cустракаем восень разам з новым нумарам часопіса "Наша вера"
23.09.2013
З надыходам восені, якая штодня ўсё больш і больш змушае нас хавацца ад халадоў і дажджоў у цёплых кватэрах, прапануем вам правесці спакойны, ціхі вечар (ці, можа быць, некалькі) з новым нумарам квартальніка "Наша вера" і кубачкам духмянай гарбаты, узбагаціць душу новым духоўным досведам і насыціць яе ведамі пра найважнейшыя скарбы рэлігійнай культуры Беларусі і свету. Аб тым, якія матэрыялы чакаюць вас у новым выпуску, можна пазнаёміцца на нашай старонцы.
Справаздача
19.09.2013
Дваццаць пятая звычайная нядзеля, год С.  Кожны месяц каля 15-га чысла мы знаходзім у паштовай скрынцы рахунак за кватэру і накіроўваемся ў банк або на пошту, каб расплаціцца за цяпло, святло, электрычнасць... Калі задумацца, гэтак жа, толькі невядома ў які дзень, мы вымушаныя будзем даць справаздачу і з таго, як карысталіся сваім жыццём і тымі дабротамі, якія былі нам дадзеныя Створцам і Гаспадаром. Разам з дамініканінам айцом Міхалам Ермашкевічам OP паспрабуйма паразважаць, якую справаздачу са свайго жыцця мы здолелі б прадставіць Пану Богу, калі б сталі перад Ім сёння.
Сустрэча з Божай любоўю
13.09.2013
Можна тысячу разоў паўтараць сабе: «Бог мяне любіць», але гэта не навучыць сапраўднай любові, падобна як ад словаў «Я — птушка» крылы не вырастуць. Дык як жа вучыцца любові? З чаго пачынаць? Вераніка піша пра свой шлях у пошуках любові і сцвярджае, што пачынаць трэба з сябе...
Лепей тужыць
13.09.2013
Дваццаць чацвёртая звычайная нядзеля, год С.  Губляцца — гэта страшна. Блукаць — гэта цяжка. Ніхто не любіць тужыць, ад’язджаючы некуды далёка і пакідаючы тых, каго любіць. Але калі не пакідаеш блізкіх — не адчуеш слодыч тугі па іх і радасць вяртання. Разам з дамініканінам айцом Тамашам Мікам ОР паразважаем аб тым, чаму бывае добра губляцца час ад часу і калі туга можа прынесці радасць.
8 верасня – выстава-кірмаш хрысціянскай літаратуры
06.09.2013
Сардэчна запрашаем на выставу-кірмаш каталіцкай прэсы і хрысціянскай літаратуры, якая адбудзецца на тэрыторыі касцёла св. Сымона і св. Алены (г. Мінск, пл. Незалежнасці, 15) з 10.00 да 18.00.
Мой улюбёны брат
06.09.2013
Дваццаць трэцяя звычайная нядзеля, год С. Кожны з нас шмат разоў чуў, што? каб змяніць свет, трэба пачаць з сябе. Разам з дамініканінам айцом Крыштафам ОР мы разважаем пра тое, як адно слова можа зламаць глыбока ўкаранёны стэрэатып, прымусіць убачыць праблему ў зусім іншым святле і дапаможа выйсці з замкнёнага кола, каб перажыць сапраўднае навяртанне.

Мы вельмі радыя
бачыць вас на сайце
часопіса «Ave Maria».
Гэта плён працы
неабыякавых людзей,
якія з радасцю ствараюць
гэты часопіс для вас.

Падпіска
Ахвяраванні

Сайт часопіса „Ave Maria“ Мінска-Магілёўскай архідыяцэзіі Рыма-каталіцкага Касцёла ў Беларусі

Часопіс існуе дзякуючы вашым ахвяраванням. Сёння мы просім вашай дапамогі — нават невялікая сума падтрымае нас.

Падрабязней