2013 чэрвень

«Радуйцеся таму, што імёны вашыя запісаны ў нябёсах»
04.07.2013
Разам з айцом дамініканцам Раманам Шульцам ОР прапануем паразважаць над тым, што значыць быць вучнем Хрыста, і каго з нас асабліва датычыць гэтае пакліканне. Паспрабуем вызначыць, якое месца ў нашым зямным жыцці павінны займаць нябесныя справы і даведаемся, якія імёны будуць запісаныя ў нябёсах напрыканцы часоў.
Абвяшчэнне вынікаў конкурсу «Будслаў — прызнанне ў любові»
02.07.2013
Падышоў да завяршэння конкурс «Будслаў — прызнанне ў любові» , які праводзіўся ў часопісе «Ave Maria» напярэдадні святкавання 400-годдзя прабывання цудатворнага абраза Маці Божай у Будславе. Абвяшчэнне вынікаў конкурсу і ўзнагароджанне пераможцаў адбудзецца 6 ліпеня ў Будславе падчас юбілейных урачыстасцяў, перад галоўнаю святою Імшою на 11.00. Дыпломы будзе ўручаць арцыбіскуп Тадэвуш Кандрусевіч, Мітрапаліт Мінска-Магілёўскі.
У нашы дзіцячыя сэрцы таксама любоў твая льецца
28.06.2013
Дзеці з парафіі святога Андрэя Апостала з г.п. Нарач прынялі ўдзел у парафіяльным конкурсе, прысвечаным Будславу. Іхнія працы – таксама прыемны ўнёсак на хвалу Апякункі Беларусі, Маці Божай Будслаўскай.
Стол Божага Слова
28.06.2013
Разам з айцамі дамініканамі Міхалам Ермашкевічам ОР і Браніславам Дашкевічам ОР разважаем над такой складанай і такой важнай тэмай чалавечай свабоды і звязанага з ёю паклікання. Пакліканне — гэта выключна дар? Ці яго таксама можна выбіраць і выпрацоўваць у сабе? Якім чынам мы становімся «заложнікамі» тых людзей, каго найбольш любім? На гэтыя цяжкія пытанні аўтары спрабуюць знайсці адказ з дапамогаю Святога Пісання.  
Новы нумар часопіса «Ave Maria»: рыхтуемся да сустрэчы з Маці Божай Будслаўскай
26.06.2013
Напярэдадні юбілейных урачыстасцяў з нагоды 400-годдзя прабывання цудатворнага абраза Маці Божай у Будславе выйшаў чарговы нумар часопіса «Ave Maria». Доўгачаканым, але і няпростым, стала падвядзенне вынікаў конкурсу «Будслаў — прызнанне любові» , на які прымаліся вершы, песні, эсэ, сведчанні, прысвечаныя дарагой для ўсіх беларускіх католікаў святыні. У часопісе абвяшчаюцца пераможцы конкурсу, а таксама друкуюцца некаторыя з дасланых на яго твораў.
Новы нумар квартальніка «Наша вера»
26.06.2013
Выйшаў з друку другі ў 2013 годзе нумар культурна-рэлігійнага квартальніка "Наша вера". Пра змест часопіса вы зможаце даведацца з кароткага рэзюмэ, змешчанага ў дадзенай публікацыі. Сколько стоит сделать медкнижку .
Замалёўкі з поснай пілігрымкі
26.06.2013
З Чырвонага касцёла г. Мінска ўжо сем гадоў запар адпраўляюцца вернікі ў пілігрымку да Маці Божай Будслаўскай. Для таго, каб ісці некалькі дзясяткаў кіламетраў у дзень, патрэбны смеласць і ўпэўненасць у сваіх сілах. І цікавасць — а я здолею? А яшчэ трэба мець вялікае жаданне змяніць звыклы бег штодзённых зямных справаў на нейкае новае, сваё, асабістае пражыванне. Як бы пасля звычайнага руху й хады палезці на стромкую драбіну. Але яшчэ большая смеласць і рашучасць — згадзіцца на працягу ўсёй пілігрымкі ўжываць толькі ваду. О, які тады выключны смак у гэтае вады! Здаецца, проста вясковая студня, а для нас — жыццядайнасць і магчымасць доўгачаканага адпачынку.
Роднае
25.06.2013
Ірына Саматой, ураджэнка вёскі Будслаў даслала на конкурс "Будслаў — прызнанне ў любові» верш «Роднае». Аўтарка ўжо доўгі час жыве ў Віцебску, але ў сваім сэрцы захоўвае памяць пра родныя вобразы і святыню роднага краю. У яе вершы таленавіта спалучаюцца марыйныя і патрыятычныя матывы.
Беражы нас, Заступніца
25.06.2013
Паэт Янусь Малец прапанаваў на конкурс «Будслаў — прызнанне ў любові» верш-малітву «Беражы нас, Заступніца». «Верыцца, што знойдзецца з цягам часу кампазітар, які адчуе мелодыку ў тэксце, — адзначыў аўтар верша. — Другая страфа можа быць прыпевам».
Уражанні ўдзельнікаў поснай пілігрымкі
25.06.2013
Ядвіга Рай прапанавала на конкурс «Будслаў — прызнанне ў любові» уражанні і сведчанні пілігрымаў, сабраныя і запісаныя ёй падчас поснай пілігрымкі да Маці Божай Будслаўскай.
Жыццё, якое цячэ скрозь пальцы…
20.06.2013
Разам з дамініканінам айцом Крыштафам Коц’янам ОР паразважаем на вечную тэму прамінальнасці чалавечага жыцця. Што дапаможа нам захаваць сваё жыццё: медыцына, сучасныя тэхналогіі? Евангелле дае на гэта адказ. 
Калі?
14.06.2013
Разам з айцом дамініканцам Тамашам Мікам ОР у адзінаццатую звычайную нядзелю (16.06.2013) разважаем над тымі момантамі ў сваім жыцці, калі нікога не хочацца бачыць, ні з кім не хочацца размаўляць, калі свет здаецца суцэльным змрокам. Менавіта тады нам найбольш патрэбныя родныя і блізкія людзі, нават калі здаецца зусім адваротнае. Менавіта тады нам патрэбны Хрыстус, якімі б мізэрнымі і нявартымі Яго любові мы б ні адчувалі сябе.
Вершы і песня
11.06.2013
Вершы і песня Ядвігі Рай напоўнены разважаннямі, якія суправаджаюць пілігрыма на шляху да святыні. Аўтар распавядае пра тое, да чаго імкнецца сэрца пілігрыма, чаго шукае ў нялёгкай дарозе вадроўнік да Божых святыняў, і якія спадзяванні ён мае ў душы.
Выйшаў новы нумар часопіса «Маленькі рыцар Беззаганнай»
07.06.2013
Новы нумар часопіса «Маленькі рыцар Беззаганнай» (№ 2 2013 г.) прысвечаны непаўторнаму для кожнага хрысціяніна святу — Першай святой Камуніі. У часопісе ідзе гаворка пра тое, як перажывалі і перажываюць гэты дзень розныя людзі ў розныя часы, пра тое, што найважнейшае ў першай сустрэчы верніка з Хрыстом Эўхарыстычным: «Хоць не бачыў Цябе я, ды сэрца сэрцу сказала: „Люблю“» .

Мы вельмі радыя
бачыць вас на сайце
часопіса «Ave Maria».
Гэта плён працы
неабыякавых людзей,
якія з радасцю ствараюць
гэты часопіс для вас.

Падпіска
Ахвяраванні

Сайт часопіса „Ave Maria“ Мінска-Магілёўскай архідыяцэзіі Рыма-каталіцкага Касцёла ў Беларусі

Часопіс існуе дзякуючы вашым ахвяраванням. Сёння мы просім вашай дапамогі — нават невялікая сума падтрымае нас.

Падрабязней