2014 май-чэрвень

Часопіс "Наша вера" 2-2014
02.07.2014
Новы нумар квартальніка «Наша вера» прапануе чытачам паразважаць пра жыццё і святасць нядаўна кананізаваных Яна ХХІІІ і Яна Паўла ІІ, пазнаёміцца з успамінамі, прысвечанымі кардыналу Казіміру Свёнтку, узбагаціцца скарбамі хрысціянскай літаратурнай спадчыны і сусветнага сакральнага мастацтва. Запрашаем пазнаёміцца са зместам часопіса на нашай старонцы.
Выйшаў у свет другі нумар часопіса «Маленькі рыцар Беззаганнай»
01.07.2014
Пашана да Божага імя, да ўсяго святога з’яўляюцца неабходнымі ўмовамі нашай веры. Гэтая думка стала скразной у апошнім нумары часопіса для дзяцей «Маленькі рыцар Беззаганнай». Менавіта другой запаведзі дэкалогу прысвечаны чарговы «ўрок» айца Віталія Даніловіча. На гэтую ж тэму выказваюцца і чытачы часопіса. У апавяданні Ірыны Жарнасек «Букет дзьмухаўцоў» ідзе гаворка пра любоў да бліжняга.
Таямніца Любові
29.06.2014
Цудоўная навіна для аматараў беларускай хрысціянскай музыкі — да ўрачыстасці ў Будславе прымеркаванае выйсце новага дыску моладзевага хору Gloria з мінскай архікатэдры пад назвай « Таямніца Любові ». Заспявайма разам усім вядомыя і зусім новыя песні, разам будзем маліцца і праслаўляць нашага Бога, каб спазнаць Таямніцу Яго Любові.
Исцеление от чувства обиды
29.06.2014
Па ініцыятыве айцоў езуітаў выдавецтва «Pro Christo» пачынае друкаваць рэкалекцыйныя разважанні айца Юзафа Аўгустына SJ , якія грунтуюцца на «Духоўных практыкаваннях» святога Ігнацыя Лаёлы. Першая кніга з гэтай серыі — гэта «Исцеление от чувства обиды», фундамент рэкалекцый.
«А вы кім лічыце Мяне?»
27.06.2014
Урачыстасць святых Апосталаў Пятра і Паўла, Трынаццатая звычайная нядзеля , год А (29.06.2014) Разам з айцом дамініканінам Паўлам Мажэйкам OP мы вучымся следам за святым Пятром самастойна шукаць адказ на пытанне Хрыста: «А вы кім лічыце Мяне?» Не адказаўшы на яго, немагчыма стаць сапраўдным хрысціянінам, не адказаўшы на яго, нельга назваць сябе вучнем Хрыста.
Боязь і страх
20.06.2014
Дванаццатая звычайная нядзеля , год А (22.06.2014) Разам з айцом дамініканінам Міхалам Ермашкевічам OP мы разважаем на нязручныя тэмы: страху, вернасці да смерці, пекла і чыстца. Мы заўжды імкнемся абмінаць падобныя пытанні, але замоўчванне не вырашае праблемы і кожны будзе вымушаны выбіраць раней ці пазней...
Супольнасць любові
13.06.2014
Урачыстасць Найсвяцейшай Тройцы , год А (15.06.2014) Разам з айцом дамініканінам Крыштафам Коц’янам OP мы разважаем над таямніцаю Святой Тройцы і спрабуем зразумець, што значаць усім нам вядомыя словы, якія мы так часта паўтараем: «Бог ёсць любоў»...
Жыць у раскошы Божай любові, або Агляд чэрвеньскага нумара «Ave Maria»
10.06.2014
Чэрвень са сваёй раскошай зеляніны, сонечнага цяпла і квецені нібы запрашае нас узгадаць пра раскошу Божай любові і шчодрасці. Нездарма гэты месяц прысвечаны Найсвяцейшаму Сэрцу Езуса. Узгадаць пра набажэнства да Сэрца Езуса запрашае нас і чэрвеньскі нумар часопіса «Ave Maria» ў артыкуле кс. Юзафа Гавэла SCJ «Ян ХХІІІ — сфармаваны ў школе Сэрца Езуса» . Добры Папа Ян — як яго называлі вернікі — у сваіх дзённікавых запісах дзеліцца з намі, нашчадкамі, сваім перажываннем гэтага набажэнства, якое прыносіць вялікі плён у жыцці хрысціянаў.
Прыйдзі, Духу Святы…
06.06.2014
Урачыстасць спаслання Духа Святога , год А (8.06.2014) У гэтую ўрачыстасць разам з айцом дамініканінам Крыштафам Коц’янам OP мы разважаем над той значнасцю, якую мае для кожнага з нас дзеянне Духа Святога, які пазбаўляе нас страху, аздараўляе, дае моц абвяшчаць Евангелле і напаўняе радасцю пасхальнай таямніцы.
«А вечнае жыццё ў тым, каб пазналі Цябе...»
30.05.2014
Сёмая велікодная нядзеля, год А (01.06.2014) У чым заключаецца вечнае жыццё? Разам з айцом дамініканінам Раманам Шульцам OP мы паразважаем над важнейшай для кожнага верніка задачай — пазнаннем Бога — і разгледзім тры спосабы дасягнуць гэтага.
Алкагалізм маці і яго шкодны ўплыў на дзіця
28.05.2014
Аб шкоднасці ўжывання алкаголю напісана шмат кніг, але выданняў, якія распавядаюць пра праблему злоўжывання алкаголю цяжарнымі жанчынамі, безумоўна, замала. Дапускаем, што шмат каму ўвогуле невядомы англійскі тэрмін Fetal Alcohol Syndrome (фетальны алкагольны сіндром (ФАС), або алкагольны сіндром плода), які можна перакласці на нашу мову наступным чынам — пасляалкагольнае пашкоджанне плода. ФАС — гэта спалучэнне прыроджаных псіхічных і фізічных дэфектаў, якія ўпершыню праяўляюцца пры нараджэнні дзіцяці і застаюцца ў яго на ўсё жыццё.
За шчасцем наўздагон
21.05.2014
Шостая велікодная нядзеля , год А (25.05.2014) Усе імкнуцца да шчасця, розніца толькі ў тым, што мы выбіраем у рэшце рэшт: часовае ці вечнае. Разам з айцом дамініканінам Міхалам Ермашкевічам OP паразважаем над тым, чаму квіток у Божае Валадарства — толькі першы крок на шляху да яго, і дзе ўзяць гарантыі сапраўднага шчасця.
«Пра Марыю ніколі не будзе зашмат!»
20.05.2014
Праглядаючы інтэрнэт-форумы, я часта сустракаўся з папрокамі ў адрас католікаў, нібыта мы скажаем Святое Пісанне, ушаноўваючы Марыю, Маці Езуса так, быццам Яна вайжнейшая за самога Пана Бога. Акрамя таго, сёння нават маладыя католікі, пранікнутыя духам фальшывага экуменізму, схіляюцца да сцверджанняў, што ў нас культ Марыі перабольшаны, небіблійны, і, больш за тое, з’яўляецца перашкодаю ў збліжэнні з пратэстантамі.
Мэты і сродкі
17.05.2014
Чацвёртая Велікодная нядзеля , год А (11.05.2014) Сёння разам з айцом Крыштафам Коц’янам OP мы разважаем над тым, як зрабіць, каб нашыя адносіны з людзьмі не ператвараліся ў гандаль, як зрабіць, каб за знешняй прыхільнасцю не хаваўся халодны разлік, як навучыцца шчыра любіць…
Цвёрда і мякка
17.05.2014
Пятая велікодная нядзеля , год А (18.05.2014) Разам з айцом дамініканінам Тамашам Мікам OP мы разважаем пра сваю веру. Дамо адказ самім сабе, якая яна — ці мы толькі пачаткоўцы, ці стаім хаця б на сярэдзіне той дарогі, якою ёсць Хрыстус?..

Мы вельмі радыя
бачыць вас на сайце
часопіса «Ave Maria».
Гэта плён працы
неабыякавых людзей,
якія з радасцю ствараюць
гэты часопіс для вас.

Падпіска
Ахвяраванні

Сайт часопіса „Ave Maria“ Мінска-Магілёўскай архідыяцэзіі Рыма-каталіцкага Касцёла ў Беларусі

Часопіс існуе дзякуючы вашым ахвяраванням. Сёння мы просім вашай дапамогі — нават невялікая сума падтрымае нас.

Падрабязней