2015 кастрычнік-снежань

«Неба і зямля мінуць»
13.11.2015
Трыццаць трэцяя звычайная нядзеля, год В  (15.11.2015).  Сёння разам з айцом дамініканінам Паўлам Мажэйкам OP мы разважаем пра сустрэчу з Панам, якая чакае нас пасля заканчэння зямнога жыцця, і пра тое, як пражыць жыццё з адказнасцю за гэтую будучую сустрэчу.
Апошні грош
07.11.2015
Трыццаць другая звычайная нядзеля, год В (08.11.2015). Сёння разам з айцом Крыштафам Коц’янам OP мы разважаем пра рызыку адданасці. Рызыкнуць і быць цалкам адданымі — гэта страшна, мы баімся страціць сябе, баімся, што нам самім нічога не застанецца. Так і бывае, калі чалавек да канца прысвячае сябе рэчам, гэтага не вартым, разменьваецца. Але ёсць такія рэчы і адносіны, якія пры ўмове цалкавітай адданасці дораць нам паўнату жыцця.
Па старонках лістападаўскага нумара «Ave Maria»
05.11.2015
З першых старонак лістападаўскага нумара часопіса «Ave Maria» чытач зможа акунуцца ў атмасферу працы 14-га Звычайнага Сінода Біскупаў, які адбыўся ў Рыме 4–25 кастрычніка і быў прысвечаны тэме «Пакліканне і місія сям’і ў сучасным свеце». Удзельнік Сінода, арцыбіскуп Тадэвуш Кандрусевіч, распавядае пра тое, якія пытанні дамінавалі на пасяджэннях, і дае адказ на многія супярэчлівыя меркаванні, што прагучалі ў сувязі з тэматыкай Сінода ў ліберальных сродках масавай інфармацыі. Асабліва гэта датычыць дапушчэння да Камуніі разведзеных і тых, хто зноў уступіў у грамадзянскі саюз, а таксама прызнання Касцёлам аднаполых саюзаў.
Божыя лекі, якія чыняць грэшнікаў святымі
01.11.2015
Сёння, ва Ўрачыстасць усіх святых (1.11.2015) разам з айцом Раманам Шульцам OP мы разважаем пра значэнне васьмі благаслаўленняў, якія разам з Дэкалогам святы Аўгустын называў шляхам да сапраўднай чалавечай свабоды.
Пане, змілуйся…
23.10.2015
Трыццатая звычайная нядзеля, год В  (25.10.2015).  Сёння разам з айцом дамініканінам Міхалам Ермашкевічам OP мы разважаем пра сваю няздольнасць самастойна супрацьстаяць усяму, што засляпляе наш розум і волю, пра тое, што толькі Божая любоў адкрые нам вочы на сапраўдны стан нашай душы.
Каляндар, прысвечаны Году Божай міласэрнасці
23.10.2015
У межах падрыхтоўкі да Году Міласэрнасці, які папа Францішак абвясціў 11 красавіка 2015 года булаю Misericordiae Vultus і які распачнецца 8 снежня 2015 года, у выдавецтве «Про Хрысто» выйшаў каляндар на 2016 год, прысвечаны Божай міласэрнасці.
Восеньскі нумар часопіса для дзяцей
17.10.2015
Выйшаў у свет чарговы нумар часопіса для дзяцей «Маленькі рыцар Беззаганнай». У ім шмат матэрыялаў пра свет захапленняў нашых чытачоў, пра тое, што іх цікавіць, як яны праводзяць свой вольны час.
Большы няхай будзе слугою
17.10.2015
Дваццаць дзевятая звычайная нядзеля, год В  (18.10.2015).  Сёння разам з айцом Паўлам Мажэйкам OP мы разважаем пра пакору, якая дае сапраўдную перамогу, робіць з апошняга — першага. Гэта не адпавядае логіцы сучаснага свету, але мы ведаем, што Божая мудрасць большая за чалавечую. 
«Што мне рабіць?»
10.10.2015
Дваццаць восьмая звычайная нядзеля, год В  (11.10.2015).  Сёння разам з айцом Крыштафам Коц’янам OP мы разважаем пра вядомую евангельскую гісторыю юнака, які хоча атрымаць вечнае жыццё, але так моцна звязаны багаццем, становішчам, іншымі абставінамі, што не гатовы пайсці за гэтым жыццём. Што звязвае нас? І што выберам мы?
Трэці нумар квартальніка "Наша вера" за 2015 г.
07.10.2015
У новым нумары квартальніка «Наша вера» ў рубрыцы «Год кансэкраванага жыцця» публікуецца падборка матэрыялаў, прысвечаных Кангрэгацыі Сясцёр Маці Божай Міласэрнасці і асобе святой с. Фаўстыны Кавальскай: арт. с. М. К. Юралайць ZMBM «Я пасылаю цябе да ўсяго чалавецтва…» , урывак з біяграфіі святой біёграфа с. Фаўстыны, польскай даследчыцы Э. К. Чачкоўскай «Ты — мой Бог ці нейкі прывід?» , успаміны спаведніка с. Фаўстыны, кс. М. Сапоцькі, урывак з «Дзённіка» с. Фаўстыны і прадмова да яго, а таксама разважанне В. Галубовіч пра яе ўспрыняцце «Дзённіка» і аповед Э. К. Чачкоўскай «Пяць пальцаў святой Фаўстыны» . Завяршаюць падборку публікацый нататкі перакладчыцы «Дзённіка» на беларускую мову К. Лялько «Мясціны, якія памятаюць…» .
Ружанец — вялікі дар для нас:
02.10.2015
кастрычніцкі нумар часопіса «Ave Maria»  Ружанец… Малітва даўно мінулых часоў ці актуальная форма звароту да Бога? Аднастайная і доўгая? Ці глыбокая і дзейсная? Наколькі яна адпавядае рытму і ладу жыцця сучаснага пакалення? Пра гэта разважалі Пантыфікі на працягу апошніх стагоддзяў і пра гэта разважаюць чытачы нашага часопіса ў кастрычніцкім нумары «Ave Maria». Адпаведныя публікацыі — «Ружанец у вучэнні Пантыфікаў» , «Вялікі дар для нас» , «Марыя вядзе ў дом Айца Нябеснага» (сведчанне сястры Тадэі Юзэфы Аўгустын OP) — дапамогуць чытачам па-новаму зірнуць на малітву, якая традыцыйна гучыць ва ўсіх касцёлах свету ў гэтым восеньскім месяцы. 
Сямейная малітва
02.10.2015
Дваццаць сёмая звычайная нядзеля, год В  (04.10.2015).  Сёння разам з айцом дамініканінам Раманам Шульцам OP мы разважаем пра тое, як у наш час раз’яднанасці і адасобленасці чалавека ад чалавека спрабаваць нанова з’яднаць блізкіх з дапамогаю старажытнай ружанцовай малітвы. Звернемся да словаў святога Яна Паўла ІІ, які бачыць у супольнай малітве на ружанцы цудоўны спосаб згуртавання сям’і. 

Мы вельмі радыя
бачыць вас на сайце
часопіса «Ave Maria».
Гэта плён працы
неабыякавых людзей,
якія з радасцю ствараюць
гэты часопіс для вас.

Падпіска
Ахвяраванні

Сайт часопіса „Ave Maria“ Мінска-Магілёўскай архідыяцэзіі Рыма-каталіцкага Касцёла ў Беларусі

Часопіс існуе дзякуючы вашым ахвяраванням. Сёння мы просім вашай дапамогі — нават невялікая сума падтрымае нас.

Падрабязней