Падзеі

«I акраплю вас вадою чыстаю, і дам вам сэрца новае»

05.04.2024

Пра Пасхальную вігілію ў парафіі св. Казіміра ў Маладзечне.

Выйшаў першы нумар часопіса «Наша вера» за 2024 год

19.03.2024

У першым сёлетнім нумары часопіса «Наша вера» чытайце пра гісторыю Касцёла, пра яго сучаснае жыццё, пра выбітных асобаў, якія паўплывалі на развіццё хрысціянства, а таксама шматлікія матэрыялы па мастацтвазнаўстве і літаратуразнаўстве, хрысціянскую паэзію, прозу і пераклады.

«Бог ёсць любоў…». Па старонках сакавіцкага нумара часопіса «Ave Maria»

04.03.2024 | № 3 | 2024

«Бог ёсць любоў, хто жыве ў любові, той жыве ў Богу, і Бог у ім» (1 Ян 4, 16). Так проста і так ёмка Евангеліст вызначыў адну з найвялікшых таямніцаў, якая ўпісаная ў нашыя сэрцы і якую мы ўсё жыццё імкнемся пазнаць. У перыяд Вялікага посту, калі Касцёл заклікае нас зазірнуць углыб сваёй душы, каб выкараніць з яе ўсё, што аддаляе нас ад праўдзівай любові, мы вырашылі прысвяціць гэтай таямніцы цэлы нумар часопіса «Ave Maria».

Удзячнасць — знак мудрасці. Па старонках студзеньска-лютаўскага нумара часопіса «Ave Maria»

17.02.2024 | № 1-2 | 2024

Юбілейны, 30-ты год сваёй вандроўкі да чытачоў часопіс «Ave Maria» распачаў з нумара, прысвечанага тэме ўдзячнасці і няўдзячнасці ў адносінах чалавека да Бога і бліжняга.

Немагчыма застацца абыякавым…

15.02.2024 | Кнігі

Пра кнігу Раісы Зянюк «Ксёндз Юзаф Барадзюля: жыццяпіс і ўспаміны» («Про Хрысто», 2023)

Віншуем арцыбіскупа Тадэвуша Кандрусевіча з днём нараджэня

03.01.2024

Ваша Эксцэленцыя, шаноўны і дарагі арцыбіскуп Тадэвуш! Сардэчна віншуем Вас з днём нараджэння. Так сімвалічна Ваш асабісты новы год супадае з агульным Новым годам і таму мы жадаем, каб кожны дзень у гэтым новым годзе быў асветлены і атулены Божаю ласкаю, любоўю і дапамогаю ў Вашым ахвярным служэнні. Зычым Вам моцнага здароўя, трываласці, шчодрых дароў Духа Святога, як найбольш Божага святла і радасці ў гэтым нашым нярадасным свеце. Няхай Маці Божая атуляе Вас сваёю міласэрнаю і нястомнаю апекаю. Заўсёды памятаем Вас у малітве з удзячнасцю за Ваша творчае супрацоўніцтва і пастырскую падтрымку. З вялікаю павагаю, супрацоўнікі рэдакцыі часопісаў «Наша вера», «Ave Maria» і выдавецтва «Про Хрысто».

Сустракайце новы нумар часопіса «Наша вера»!

28.12.2023

Гісторыя Касцёла ў Беларусі і найбольш знакамітых святыняў нашага Краю, выбітныя асобы мінуўшчыны, якія паўплывалі на развіццё Касцёла і сакральнага мастацтва, даследаванні і ўспаміны — усё гэта ажывае яркімі фарбамі на старонках чацвёртага нумара квартальніка «Наша вера». Запрашаем вас, шаноўныя чытачы, пазнаёміцца з новымі публікацыямі гісторыкаў, мастацтвазнаўцаў, літаратуразнаўцаў, паэтаў і пісьменнікаў у нашым часопісе.

«Адвэнт — заклік да надзеі». Па старонках снежаньскага нумара часопіса «Ave Maria»

09.12.2023 | № 12 | 2023

Адвэнт — нібы светач, які нагадвае, што надзея ёсць… Гэта больш яскрава пачынаеш разумець, узяўшы ў рукі снежаньскі нумар часопіса «Ave Maria» і заглыбіўшыся ў яго няпростую тэматыку, прысвечаную абароне жыцця.

Уласнымі сіламі не кампенсуеш грэх. Па старонках лістападаўскага нумара часопіса «Ave Maria»

04.11.2023 | № 11 | 2023

У лістападзе, калі навакольны свет няспынна развітваецца з прыгажосцю і пышнасцю фарбаў, са шчодрым сонечным святлом, а покрыва вогненна-яркай шалясцістай лістоты пад нагамі паліваецца халоднымі дажджамі, немагчыма не думаць таксама пра крэс і пра вынік чалавечага жыцця, якое з’яўляецца неад’емнаю часткаю прыроды. Таму лістападаўскі нумар часопіса «Ave Maria» мы прысвяцілі тэме, якая моцна звязаная з праблематыкай вечнасці, чыстца, пакарання за грахі, а менавіта тэме адпустаў.

Трэці нумар часопіса «Наша вера» спяшаецца да сваіх чытачоў

09.10.2023

У новым нумары квартальніка «Наша вера» (№ 3, 2023) чытачы знойдуць цікавыя і глыбокія матэрыялы, прысвечаныя гісторыі Касцёла ў Беларусі, сакральнаму мастацтву, духоўнай літаратуры, а таксама знакавым постацям рэлігійнага жыцця.

Любоўю захапіць увесь свет. Па старонках кастрычніцкага нумара часопіса «Ave Maria»

08.10.2023 | № 10 | 2023

Жыццё чалавека немагчымае без цярпення, і чым больш цяжкасцяў мы сустракаем на сваім шляху — тым больш на ім разліваецца Божая ласка і міласэрнасць. З такім перакананнем я перагортваю апошнюю старонку прачытанага мною кастрычніцкага нумара часопіса «Ave Maria», многія матэрыялы якога прысвечаны знакавым падзеям і датам у жыцці Каталіцкага Касцёла ў Беларусі і ў свеце.

Шчыра віншуем!

14.09.2023

Супрацоўнікі рэдакцыі часопісаў «Ave Maria», «Наша вера» і выдавецтва «Про Хрысто» сардэчна віншуюць Яго Эксцэленцыю Юзафа Станеўскага з другою гадавінаю яго прызначэння арцыбіскупам Мітрапалітам Мінска-Магілёўскім.

Таямніцы існавання анёлаў. Па старонках вераснёўскага нумара часопіса «Ave Maria»

04.09.2023 | № 9 | 2023

Іх мы ніколі не бачым і надзвычай рэдка пра іх успамінаем, а ў той жа час яны штохвілінна назіраюць за намі, вядуць нас праз цяжкасці і аберагаюць. Анёлы Ахоўнікі…

У Будславе адбылася першая сустрэча ў межах Года падзякі Маці Божай і падрыхтоўкі да прысвячэння Касцёла на Беларусі Найсвяцейшаму Сэрцу Езуса

30.08.2023

5 жніўня, у першую суботу месяца, у Нацыянальным санктуарыі Маці Божай Будслаўскай адбылася першая сустрэча ў межах малітоўнай падрыхтоўкі да прысвячэння Мінска-Магілёўскай архідыяцэзіі і ўсяго Каталіцкага Касцёла ў Беларусі Найсвяцейшаму Сэрцу Езуса.

Выйшлі кнігі з тэкстамі набажэнстваў у першыя чацвяргі, пятніцы і суботы месяца

30.08.2023

У выдавецтве «Про Хрысто» пабачылі свет выданні з матэрыяламі і тэкстамі для набажэнстваў, якія ў адпаведнасці з распараджэннем Мітрапаліта Мінска-Магілёўскага арцыбіскупа Юзафа Станеўскага павінны праводзіцца ў кожнай парафіі нашай архідыяцэзіі ў рамках Года падзякі Маці Божай і падрыхтоўкі да прысвячэння Мінска-Магілёўскай архідыяцэзіі Найсвяцейшаму Сэрцу Езуса.