Усе матэрыялы

23.10.2015 | 2015 кастрычнік-снежань

Трыццатая звычайная нядзеля, год В (25.10.2015). Сёння разам з айцом дамініканінам Міхалам Ермашкевічам OP мы разважаем пра сваю няздольнасць самастойна супрацьстаяць усяму, што засляпляе наш розум і волю, пра тое, што толькі Божая любоў адкрые нам вочы на сапраўдны стан нашай душы.

Каляндар, прысвечаны Году Божай міласэрнасці

23.10.2015 | 2015 кастрычнік-снежань

У межах падрыхтоўкі да Году Міласэрнасці, які папа Францішак абвясціў 11 красавіка 2015 года булаю Misericordiae Vultus і які распачнецца 8 снежня 2015 года, у выдавецтве «Про Хрысто» выйшаў каляндар на 2016 год, прысвечаны Божай міласэрнасці.

Восеньскі нумар часопіса для дзяцей

17.10.2015 | 2015 кастрычнік-снежань

Выйшаў у свет чарговы нумар часопіса для дзяцей «Маленькі рыцар Беззаганнай». У ім шмат матэрыялаў пра свет захапленняў нашых чытачоў, пра тое, што іх цікавіць, як яны праводзяць свой вольны час.

Большы няхай будзе слугою

17.10.2015 | 2015 кастрычнік-снежань

Дваццаць дзевятая звычайная нядзеля, год В (18.10.2015). Сёння разам з айцом Паўлам Мажэйкам OP мы разважаем пра пакору, якая дае сапраўдную перамогу, робіць з апошняга — першага. Гэта не адпавядае логіцы сучаснага свету, але мы ведаем, што Божая мудрасць большая за чалавечую.

Дыялог як шлях духоўнасці ў сужэнстве і не толькі. Пра кнігу Ежы Гжыбоўскага

15.10.2015 | Падзеі

У выдавецтве «Pro Christo» выйшла кніга, прысвечаная тэме сямейнага жыцця: «Диалог как путь духовности в супружестве и не только» («Дыялог як шлях духоўнасці ў сужэнстве і не толькі»). Аўтар кнігі — Ежы Гжыбоўскі разам са сваёй жонкай Ірэнай ў 1977-78 гадах заснавалі ў Польшчы рух «Сужэнскія сустрэчы», галоўная мэта якога — дапамагаць сужэнскiм парам умацоўваць сужэнства дзякуючы дыялогу. Больш, чым трыццацiгадовы вопыт працы паказаў, што «Сужэнскiя сустрэчы» дапамагаюць сужэнцам не толькі падчас крызісу. Рух існуе ў Літве, Латвіі, Расіі, Румыніі, Украіне, Казахстане, а з 2003 года ён пашыраецца і ў Беларусі.

Не бойцеся дзяцей

14.10.2015 | № 10 (247) 2015 | Рухі і супольнасці

Дзіцячы дом… Рознымі шляхамі трапляюць сюды ягоныя выхаванцы. Ці сустрэнуць яны на сваім шляху чалавека, якому будуць па-сапраўднаму патрэбныя?

«Што мне рабіць?»

10.10.2015 | 2015 кастрычнік-снежань

Дваццаць восьмая звычайная нядзеля, год В (11.10.2015). Сёння разам з айцом Крыштафам Коц’янам OP мы разважаем пра вядомую евангельскую гісторыю юнака, які хоча атрымаць вечнае жыццё, але так моцна звязаны багаццем, становішчам, іншымі абставінамі, што не гатовы пайсці за гэтым жыццём. Што звязвае нас? І што выберам мы?

Трэці нумар квартальніка "Наша вера" за 2015 г.

07.10.2015 | 2015 кастрычнік-снежань

У новым нумары квартальніка «Наша вера» ў рубрыцы «Год кансэкраванага жыцця» публікуецца падборка матэрыялаў, прысвечаных Кангрэгацыі Сясцёр Маці Божай Міласэрнасці і асобе святой с. Фаўстыны Кавальскай: арт. с. М. К. Юралайць ZMBM «Я пасылаю цябе да ўсяго чалавецтва…» , урывак з біяграфіі святой біёграфа с. Фаўстыны, польскай даследчыцы Э. К. Чачкоўскай «Ты — мой Бог ці нейкі прывід?» , успаміны спаведніка с. Фаўстыны, кс. М. Сапоцькі, урывак з «Дзённіка» с. Фаўстыны і прадмова да яго, а таксама разважанне В. Галубовіч пра яе ўспрыняцце «Дзённіка» і аповед Э. К. Чачкоўскай «Пяць пальцаў святой Фаўстыны» . Завяршаюць падборку публікацый нататкі перакладчыцы «Дзённіка» на беларускую мову К. Лялько «Мясціны, якія памятаюць…» .

Ружанец — вялікі дар для нас:

02.10.2015 | 2015 кастрычнік-снежань

кастрычніцкі нумар часопіса «Ave Maria» Ружанец… Малітва даўно мінулых часоў ці актуальная форма звароту да Бога? Аднастайная і доўгая? Ці глыбокая і дзейсная? Наколькі яна адпавядае рытму і ладу жыцця сучаснага пакалення? Пра гэта разважалі Пантыфікі на працягу апошніх стагоддзяў і пра гэта разважаюць чытачы нашага часопіса ў кастрычніцкім нумары «Ave Maria». Адпаведныя публікацыі — «Ружанец у вучэнні Пантыфікаў» , «Вялікі дар для нас» , «Марыя вядзе ў дом Айца Нябеснага» (сведчанне сястры Тадэі Юзэфы Аўгустын OP) — дапамогуць чытачам па-новаму зірнуць на малітву, якая традыцыйна гучыць ва ўсіх касцёлах свету ў гэтым восеньскім месяцы.

Сямейная малітва

02.10.2015 | 2015 кастрычнік-снежань

Дваццаць сёмая звычайная нядзеля, год В (04.10.2015). Сёння разам з айцом дамініканінам Раманам Шульцам OP мы разважаем пра тое, як у наш час раз’яднанасці і адасобленасці чалавека ад чалавека спрабаваць нанова з’яднаць блізкіх з дапамогаю старажытнай ружанцовай малітвы. Звернемся да словаў святога Яна Паўла ІІ, які бачыць у супольнай малітве на ружанцы цудоўны спосаб згуртавання сям’і.

Laudato Si’

25.09.2015 | 2015 ліпень-верасень

Пры падтрымцы Ордэну Меншых Братоў Капуцынаў у Беларусі ўбачыла свет новая Энцыкліка LAUDATO SI’ Святога Айца Францішка, прысвечаная клопату пра супольны дом у перакладзе Секцыі па перакладзе літургічных тэкстаў і афіцыйных дакументаў Касцёла Камісіі Божага Культу і Дысцыпліны Сакрамэнтаў пры Канферэнцыі Каталіцкіх Біскупаў у Беларусі.

Каму адсячы руку і вырваць вока?

25.09.2015 | 2015 ліпень-верасень

Дваццаць шостая звычайная нядзеля, год В (27.09.2015). Сёння разам з айцом дамініканінам Янам Андрэем Клачоўскім OP мы разважаем пра «хірургію» нашага збаўлення. Ад чаго ў сваім жыцці лепш адмовіцца, нават калі гэта вельмі балюча, а што трэба прыняць усім сэрцам, каб «увайсці ў жыццё»…

Хутчэй, вышэй, мацней…

17.09.2015 | 2015 ліпень-верасень

Дваццаць пятая звычайная нядзеля, год В (20.09.2015). Сёння разам з айцом дамініканінам Паўлам Мажэйкам OP мы разважаем пра вельмі балючае пытанне сучаснага грамадства: імкнуцца быць лепшым ва ўсіх сферах жыцця, каб не стаць няўдачнікам, «лузерам». Пхай лакцямі іншых, каб здабыць сабе месца пад сонцам. Езус жа вучыць зусім іншаму: «Калі хто хоча быць першым, няхай будзе… слугою ўсіх».

«Ты — Хрыстус»

09.09.2015 | 2015 ліпень-верасень

Дваццаць чацвёртая звычайная нядзеля, год В (13.09.2015). Сёння разам з айцом дамініканінам Крыштафам Коц’янам OP мы разважаем пра мудрасць Божую, якая спаўняецца ў нашым жыцці, і пра дзеянне Жывога Бога, якое кожны з нас можа адчуць у тым, што адбываецца з намі. Галоўнае, памятаць і паўтараць следам за Пятром: «Ты — Хрыстус. Ты збаўляеш».

Не хакеем адзіным…

09.09.2015 | № 9 (246) 2015 | № 9 (246) 2015

Патомная хакейная сям’я, якая ў нядзелю не прапускае ніводнай святой Імшы ў невялічкім касцёле ў цэнтры Мінска. Да яе належыць герой нашае размовы Уладзіслаў Занкавец, трэнер па фізічнай падрыхтоўцы ХК «Дынама-Мінск».